Pyaar, Ishq, Mohabbat....

Kai din baad aisi raat aayi hai,

Jo apne haath mohabbat ka saath laayi hai,

Itni chup chup si, Itni sharmili,

Ithlati, balkhati, chaandni raat aayi hai..

Aashiko ka aalam chaaya hua hai,

Dilo ki dhadkan, ishq ka dhua hai,

Mohabbat mein bheegi hai yeh fizaaein,

Shaayad inhe bhi kisi se pyaar hua hai...

Taare bhi aaj kuch zyaada hi chamak rahe hai,

Apne dildaar ki baaho se lipat rahe hai,

Milan ki chah hai unke rom rom me aisi,

Ki dilbar ki nazro ke liye, sada chamak rahe hai..

Dariya ka paani aaj tham sa gaya hai,

Shaayad isme kuch gham jam sa gaya hai,

Ret use baar baar thukra raha hai,

Shaayad dard-e-dil mein, yeh paani tham sa gaya hai...